Über uns

Blauring Bütschwil (BRB)

I stell eu dä Blauring Bütschwil mol es bizeli vor. Wie lang das dä BRB scho bestoht, wie viel Mitglieder das mer händ,

was dä Blauring überhaupt isch und was mer döt eso macht, und denn no öppis Allgemeins.

Also. Dä Blauring Bütschwil gits scho sit em Johr 1966. Das heisst mer fiiret im Johr 2016 s'50. Johr Jubiläum.

I dene viele Johre wos dä BRB etz scho git, häts au scho vieli Veränderige geh, Leiterwechsel, wechsel vo Präses, Scharleitig und Chinde wo zum Blauring gfunde händ,

 oder us irgendwelche Gründ halt au ufghört händ. Jedoch chönd mer stolz sii uf üsi Schar, well mer doch no recht viel Mitglieder händ.

Üsi Schar bestoht us ca. 100 Meitle, 16 Leiterinne und natürlich üsem Präses. D'Meitle i dä Schar vom Blauring Bütschwil sind i verschiedene Gruppe ufteilt.

Ab dä 3. Klass bis zur 3. Oberstufe isch jedi willkomme. Und wer denn noch dere Ziit als Chind findt: "He,wieso söll das scho verbi sii?" , wird Leiterin.

Mer sind immer offe für Neus. Neui Idee, anderi Ahsichte und eifach im Allgemeine frische Wind im Leiterteam.

Aber Blauring, was isch denn das überhaupt? Was macht mer denn do?

I dä Gruppestund werdet verschiedeni Sache gmacht. Es wird bastlet, gmoolet, Spieli gmacht, verussä gange, und und und..

Es isch immer für Abwechslig gsorget. D'Chind chönd zum Teil au mitbestimme was sie i dä Gruppestund mache wönd.

 D'Ziit wo d'Gruppestund stattfindet isch immer 1h 30m. Sie werdet i dere Ziit vo 1-4 Leiterinne gleitet.

Es variert jeh noch Gruppe und Alter vo dä Chind.

Underem Johr verteilt sind au no verschiedni Ahläss. D'Chind werdet im vorrus vo dä Leiterinne infomiert.

Es git zum Bispiel s'Fuessballturnier/Olympiade, sust en Scharahlass wo jedes Johr neu gmacht wird,

dä Pizzakurier wo vo dä Leiterinne durägführt wird, s'Sternsinge und zum Höhepunkt vom Johr ghört natürlich s'Summerlager.

Das wäret jetzt mol es paar Informatione zum Blauring Bütschwil. Wie's bi üs sochli zue und her goht.

Ä schöni Ziit wünscht dä Blauring Bütschwil